ಬೆಳಗಾವಿ : ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತಾಲೂಕಿನ ಶ್ರೀ ರಾಮಾ ನಾಯ್ಕ್ ಅವರಿಗೆ ಬೆಳಗಾವಿಯ ಕಸ್ತೂರಿ ಸಿರಿಗನ್ನಡ ವೇದಿಕೆ (ರಿ) ಕರ್ನಾಟಕ ಸುವರ್ಣ ಮಹೋತ್ಸವದ ಅಂಗವಾಗಿ ಅಂತರಾಷ್ಟ್ರೀಯ ಮಟ್ಟದ “ಸುವರ್ಣ ಮಹೋತ್ಸವ ಪುರಸ್ಕಾರ “ ನೀಡಿ ಗೌರವಿಸಿದೆ.
ನಾಡು ನುಡಿ, ಕಲೆ, ಸಂಸ್ಕೃತಿ, ಸಾಹಿತ್ಯ ಮೊದಲಾದ ಕ್ಷೇತ್ರಗಳಲ್ಲಿ ಅಪೂರ್ವ ಸಾಧನೆಗೈದ ಮಹನೀಯರುಗಳಿಗೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿ, ಆನ್ಲೈನ್ ಕಾರ್ಯಕ್ರಮದ ಮೂಲಕ ಪ್ರಶಸ್ತಿ ಪತ್ರ ನೀಡಿ ಪುರಸ್ಕರಿಸಲಾಗಿದೆ ಎಂದು ವೇದಿಕೆಯ ಅಧ್ಯಕ್ಷರಾದ ಪ್ರೊ. ಎಲ್, ಎಚ್. ಫೆಂಡಾರಿಯವರು ತಿಳಿಸಿದ್ದಾರೆ.
ಸಾಹಿತಿಗಳೂ, ಕಲಾವಿದರೂ, ಕನ್ನಡ ಭಾಷಾತಜ್ಞರೂ ಆಗಿರುವ ಇವರು ರಾಜ್ಯಮಟ್ಟದ ಹಾಗೂ ರಾಷ್ಟ್ರಮಟ್ಟದ ಅನೇಕ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ.
ಕಳೆದ ಸಾಲಿನಲ್ಲಿ ಮಾನ್ಯ ಪ್ರಧಾನಿಗಳಾದ ಶ್ರೀಯುತ ನರೇಂದ್ರ ಮೋದಿಯವರಿಂದ ‘ಪರೀಕ್ಷಾ ಪೇ ಚರ್ಚಾ’ ಕಾರ್ಯಕ್ರಮದಡಿಯಲ್ಲಿ ಪ್ರಶಂಸನಾ ಪತ್ರವನ್ನು ಪಡೆದುಕೊಂಡಿದ್ದಾರೆ. ಅಲ್ಲದೇ ‘ರಾಜ್ಯಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ’ , ಅಂತರಾಷ್ಟ್ರೀಯ ಮಟ್ಟದ ‘ವಿಶ್ವ ಜ್ಞಾನಶ್ರೀ ಪ್ರಶಸ್ತಿ’, ‘ಮುದ್ರಾ ಅವಾರ್ಡ್’, ‘ಯುನೈಟೆಡ್ ಇಂಡಿಯಾ ನ್ಯಾಷನಲ್ ಅವಾರ್ಡ್’, ‘ನ್ಯಾಷನಲ್ ಎಜುಕೇಶನ್ ಅವಾರ್ಡ್’, 'ಮಹಾತ್ಮ ಗಾಂಧಿ ಇಂಡಿಯಾ ಐಕಾನ್ ಅವಾರ್ಡ್', 'ಭಾರತರತ್ನ ಸರ್ವಪಲ್ಲಿ ಡಾ. ರಾಧಾಕೃಷ್ಣನ್ ಅವಾರ್ಡ್' ಮುಂತಾದವುಗಳು.
- ಹೀಗೆ ಅನೇಕ ಪ್ರಶಸ್ತಿಗಳು ಸಂಘ ಸಂಸ್ಥೆಗಳಿಂದ ಇವರ ಶೈಕ್ಷಣಿಕ ಸಾಧನೆಗೆ ಸ್ಪೂರ್ತಿ ನೀಡಿವೆ.
ಕವಿಗಳು ಆಗಿರುವ ಇವರು ಸಾಹಿತ್ಯ ಕ್ಷೇತ್ರದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡು ಕನ್ನಡ ಕಾಯಕಶ್ರೀ ಪ್ರಶಸ್ತಿ, ಸಾಹಿತ್ಯ ಸೇವಾ ಪ್ರಶಸ್ತಿ, ಏಕತಾ ಕಲಾಶ್ರೀ ಯೋಗಿ ಪ್ರಶಸ್ತಿ, ಕವಿ ಕಣ್ಮಣಿ ಪ್ರಶಸ್ತಿ, ಕವಿ ವಿಭೂಷಣ , ಕಲಾಕೇಸರಿ ಅವಾರ್ಡ್, ಕನ್ನಡ ಬರಹ ರತ್ನ, ಕರಾವಳಿ ಸಾಹಿತ್ಯ ರತ್ನ, ಸಾಹಿತ್ಯ ಸೌರಭ, ಕರ್ನಾಟಕ ಸುವರ್ಣ ಸಿರಿ ಪ್ರಶಸ್ತಿ, ಗುರುಕುಲ ತಿಲಕ ಪುರಸ್ಕಾರ, ಚಾಲುಕ್ಯರತ್ನ ಇಮ್ಮಡಿ ಪುಲಕೇಶಿ ಪ್ರಶಸ್ತಿ, ಅಕ್ಷರನಾದ ಸೇವಾರತ್ನ ಪ್ರಶಸ್ತಿ, ಕವಿ ಪ್ರೇರಣಾ ಪ್ರಶಸ್ತಿ, ಡಾ. ಪುಟ್ಟರಾಜ ಗವಾಯಿ ಸದ್ಭಾವನಾ ಪ್ರಶಸ್ತಿ, ಗುರು ದ್ರೋಣಾಚಾರ್ಯ ಪ್ರಶಸ್ತಿ, ಅಕ್ಷರನಾದ ಬಸವಶ್ರೀ ಪ್ರಶಸ್ತಿ, ಹೆಮ್ಮೆಯ ಕನ್ನಡಿಗ ಪ್ರಶಸ್ತಿ, ಸ್ವರ್ಣಸಿರಿ ಪ್ರಶಸ್ತಿ ಮುಂತಾದವುಗಳ ಜೊತೆಗೆ ರಾಷ್ಟ್ರೀಯ ಪ್ರಶಸ್ತಿಗಳಾದ - ಶ್ರೀ ಕೃಷ್ಣದೇವರಾಯ ರಾಷ್ಟ್ರೀಯ ಪುರಸ್ಕಾರ, ಹಾವೇರಿ ಹಾಗೂ ಬೆಳಗಾವಿ ಜಿಲ್ಲೆಯಲ್ಲಿ ನಡೆದ ವಿಶ್ವ ದಾಖಲೆಯ ಕವಿಗೋಷ್ಠಿಯಲ್ಲಿ ಪಾಲ್ಗೊಂಡಿದ್ದು, ಕನ್ನಡ ಬುಕ್ ಆಫ್ ರೆಕಾರ್ಡ್ ನಲ್ಲಿ ಹೆಸರು ನೋಂದಾವಣೆಗೊಂಡಿದೆ. ಅಲ್ಲದೆ ವರ್ಲ್ಡ್ ಪ್ರೆಸ್ ಬುಕ್ ಆಫ್ ರೆಕಾರ್ಡ್ ಸ್ಪರ್ಧೆಯಲ್ಲಿ ಪಾಲ್ಗೊಂಡು ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಇತ್ತೀಚಿಗೆ ಕರ್ನಾಟಕ ರಾಜ್ಯೋತ್ಸವದ ಅಂಗವಾಗಿ ಬೆಂಗಳೂರಿನ ಆನೇಕಲ್ ತಾಲೂಕು ಸರ್ಕಾರಿ ಆಡಳಿತ ಇವರಿಗೆ ತಾಲೂಕು ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಿರುವುದನ್ನು ಸ್ಮರಿಸಬಹುದು.
