ಈ ಹೊಸ ನಿಯಮಗಳನ್ನು TRAI ಗ್ರಾಹಕರ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಲಾಗಿದೆ. 2024ರ ಜುಲೈನಲ್ಲಿ ಮೂರು ಖಾಸಗಿ ಟೆಲಿಕಾಂ ಕಂಪನಿಗಳು ತಮ್ಮ ಟ್ಯಾರಿಫ್ ಬೆಲೆಯನ್ನು ಏರಿಕೆ ಮಾಡಿದ್ದು, ಗ್ರಾಹಕರಿಗೆ ಹೆಚ್ಚಿನ ಹೊರೆಯಾಗಿತ್ತು. ಇತ್ತ ಸರ್ಕಾರಿ ಸ್ವಾಮ್ಯದ ಬಿಎಸ್‌ಎನ್‌ಎಲ್ ಕಡಿಮೆ ಬೆಲೆಯ ರೀಚಾರ್ಜ್ ಪ್ಲಾನ್ ನೀಡುತ್ತಿದ್ದರೂ, ಗ್ರಾಹಕರು ನೆಟ್‌ವರ್ಕ್ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ. ಈ ಹಿನ್ನೆಲೆ TRAI ಕೇವಲ10 ರೂಪಾಯಿ ರೀಚಾರ್ಜ್ ಮೂಲಕ ಸಿಮ್ ಸಕ್ರಿಯವಾಗಿರಿಸಿಕೊಳ್ಳಬಹುದು.
TRAI ಹೊಸ ನಿಯಮದಿಂದ ಗ್ರಾಹಕರಿಗಾಗುವ ಪ್ರಯೋಜನೆಗಳು
- ಗ್ರಾಹಕರು ಸಿಮ್ ಅಕ್ಟಿವ್ ಆಗಿರಿಸಿಕೊಳ್ಳಲು ಇನ್ಮುಂದೆ ದೊಡ್ಡಮೊತ್ತದ ರೀಚಾರ್ಜ್ ಮಾಡಿಕೊಳ್ಳುವ ಅಗತ್ಯವಿಲ್ಲ. ಕೈಗೆಟುಕುವ ದರದಲ್ಲಿ ಅಂದ್ರೆ ಕನಿಷ್ಠ 10 ರೂಪಾಯಿ ರೀಚಾರ್ಜ್‌ನೊಂದಿಗೆ ಡಿಜಿಟಲ್ ಸೇವೆಗಳನ್ನು ಪಡೆದುಕೊಳ್ಳಬಹುದಾಗಿದೆ.
- ಗ್ರಾಹಕರು ತಮ್ಮ ಆರ್ಥಿಕ ಮತ್ತು ಅಗತ್ಯಕ್ಕನುಸಾರವಾಗಿ ಕಡಿಮೆ ಬೆಲೆಯಲ್ಲಿ ರೀಚಾರ್ಜ್ ಮಾಡಿಕೊಳ್ಳುವ ಆಯ್ಕೆಯನ್ನ TRAI ನೀಡಿದೆ.
- ಟೆಲಿಕಾಂ ಕಂಪನಿಗಳು ಎಲ್ಲಾ ವರ್ಗದ ಬಳಕೆದಾರರಿಗೆ ಅನುಕೂಲವಾಗುವಂತೆ ಗ್ರಾಹಕಸ್ನೇಹಿ ರೀಚಾರ್ಜ್ ಪ್ಲಾನ್‌ಗಳು ನೀಡುತ್ತಿವೆ. ಇದು ಗ್ರಾಹಕರಿಗೆ ಹೆಚ್ಚಿನ ಹೊರೆ ಆಗಲಾರದು.
- ದುಬಾರಿ ಬೆಲೆಗಳಿಂದ ಡಿಜಿಟಲ್ ಸೇವೆಗಳನ್ನು ಪಡೆಯಲು ಹಿಂದೇಟು ಹಾಕುತ್ತಿದ್ದ ಗ್ರಾಮೀಣ ಬಳಕೆದಾರರಿಗೆ ಈ ನಿಯಮ ಅನುಕೂಲವಾಗಲಿದೆ. ಕಡಿಮೆ ಬೆಲೆಯಲ್ಲಿ ರೀಚಾರ್ಜ್ ಗಳು ಗ್ರಾಮೀಣ ಗ್ರಾಹಕರನ್ನು ಆಕರ್ಷಸುತ್ತವೆ.
ಟೆಲಿಕಾಂ ರೆಗ್ಯುಲೇಟರಿ ಆಫ್ ಇಂಡಿಯಾ ಪ್ರಕಟಿಸಿರುವ ಹೊಸ ನಿಯಮಗಳ ನೇರ ಪರಿಣಾಮ ಖಾಸಗಿ ಟೆಲಿಕಾಂ ಕಂಪನಿಗಳ ಮೇಲೆ ಬೀರಲಿದೆ. TRAI ನಿಯಮದಂತೆ ಟೆಲಿಕಾಂ ಕಂಪನಿಗಳು ತನ್ನ ಎಲ್ಲಾ ರೀಚಾರ್ಜ್ ಪ್ಲಾನ್‌ಗಳನ್ನು ಬಲಿದಲಿಸಿಕೊಳ್ಳಬೇಕಾಗುತ್ತದೆ. ಗ್ರಾಹಕರನ್ನು ಸೆಳೆಯಲು ಎದುರಾಳಿ ಟೆಲಿಕಾಂ ಕಂಪನಿಗಳಿಗಿಂತ ಅತ್ಯಾಕರ್ಷಕ ಪ್ರಿಪೇಯ್ಡ್ ಪ್ಲಾನ್‌ಗಳನ್ನು ಬಿಡುಗಡೆಗೊಳಿಸಬೇಕಾಗುತ್ತದೆ. ಈ ಹೊಸ ನಿಯಮ ಭಾರತ ಸರ್ಕಾರದ "ಡಿಜಿಟಲ್ ಇಂಡಿಯಾ" ಮಿಷನ್‌ಗೆ ಬಲ ತುಂಬಲಿದೆ ಎಂದು ವಿಶ್ಲೇಷಣೆ ಮಾಡಲಾಗುತ್ತದೆ. ಜನರು ಡಿಜಿಟಲ್ ವಹಿವಾಟು ನಡೆಸಲು ಸಹ ಈ ನಿಯಮಗಳು ಪ್ರೇರೇಪಿಸಲಿವೆ ಎಂದು ನಂಬಲಾಗಿದೆ.
TRAI ನ ಹೊಸ ಮಾರ್ಗಸೂಚಿ.!
TRAIನ ಹೊಸ ಮಾರ್ಗಸೂಚಿ ಪ್ರಕಾರ, ಟೆಲಿಕಾಂ ಕಂಪನಿಗಳು Airtel, BSNL, Jio ಮತ್ತು Vodafone Idea ಕನಿಷ್ಠ 10 ರೂಪಾಯಿಗಳ ಟಾಪ್-ಅಪ್ ವೋಚರ್ ಇರಿಸಬೇಕಾಗುತ್ತದೆ. ಅಲ್ಲದೆ, ಹೊಸ ಆದೇಶದಲ್ಲಿ 10 ರೂಪಾಯಿ ಮುಖಬೆಲೆಯ ಅಗತ್ಯವನ್ನ ತೆಗೆದುಹಾಕಲಾಗಿದೆ. ಈಗ ಟೆಲಿಕಾಂ ಆಪರೇಟರ್‌'ಗಳು ತಮ್ಮ ಆಯ್ಕೆಯ ಯಾವುದೇ ಮೌಲ್ಯದ ಟಾಪ್-ಅಪ್ ವೋಚರ್'ಗಳನ್ನು ನೀಡಬಹುದು. ಇದಲ್ಲದೆ, ಆನ್‌ಲೈನ್ ರೀಚಾರ್ಜ್‌ನ ಹೆಚ್ಚುತ್ತಿರುವ ಜನಪ್ರಿಯತೆಯ ದೃಷ್ಟಿಯಿಂದ, ಭೌತಿಕ ರೀಚಾರ್ಜ್‌ಗಾಗಿ ಬಣ್ಣ ಕೋಡಿಂಗ್ ವ್ಯವಸ್ಥೆಯನ್ನ ರದ್ದುಗೊಳಿಸಲು ನಿಯಂತ್ರಕ ನಿರ್ಧರಿಸಿದೆ.
TRAI ಸುಮಾರು ಎರಡು ದಶಕಗಳ ಹಿಂದೆ STV ಅಂದರೆ ಸ್ಪೆಷಲ್ ಟ್ಯಾರಿಫ್ ವೋಚರ್ ಘೋಷಿಸಿತ್ತು. TRAI ತನ್ನ ನಿಯಮಗಳನ್ನ ಬದಲಾಯಿಸಿದೆ ಮತ್ತು ವಿಶೇಷ ಟ್ಯಾರಿಫ್ ವೋಚರ್'ನ ಮಾನ್ಯತೆಯನ್ನ 90 ದಿನಗಳಿಂದ 365 ದಿನಗಳವರೆಗೆ ಹೆಚ್ಚಿಸಿದೆ. ಈಗ ಟೆಲಿಕಾಂ ಕಂಪನಿಗಳು 365 ದಿನಗಳವರೆಗೆ ವ್ಯಾಲಿಡಿಟಿ ಹೊಂದಿರುವ ಬಳಕೆದಾರರಿಗೆ ವಿಶೇಷ ಸುಂಕದ ವೋಚರ್'ಗಳನ್ನ ನೀಡಬಹುದು. ಇದಲ್ಲದೆ, ದೇಶದ 15 ಕೋಟಿಗೂ ಹೆಚ್ಚು 2G ಬಳಕೆದಾರರನ್ನು ಗಮನದಲ್ಲಿಟ್ಟುಕೊಂಡು ಟೆಲಿಕಾಂ ನಿಯಂತ್ರಕ ಹೊಸ ನಿಯಮಗಳನ್ನ ಮಾಡಿದೆ.
ಟೆಲಿಕಾಂ ನಿಯಂತ್ರಕವು 2G ಬಳಕೆದಾರರಿಗೆ ಧ್ವನಿ ಮತ್ತು SMS ಯೋಜನೆಗಳನ್ನ ಮಾತ್ರ ಪ್ರಾರಂಭಿಸಲು ಟೆಲಿಕಾಂ ಆಪರೇಟರ್‌'ಗಳನ್ನ ಕೇಳಿದೆ. 2G ಫೀಚರ್ ಫೋನ್ ಬಳಕೆದಾರರಿಗೆ ಡೇಟಾ ಪರವಾಗಿಲ್ಲ. ದುಬಾರಿ ಡೇಟಾ ಯೋಜನೆಗಳೊಂದಿಗೆ ತಮ್ಮ ಸಂಖ್ಯೆಗಳನ್ನ ರೀಚಾರ್ಜ್ ಮಾಡಲು ಅವರು ಒತ್ತಾಯಿಸಲ್ಪಡುತ್ತಾರೆ. ಬಳಕೆದಾರರ ಅಗತ್ಯ ಸೇವೆಗಳಿಗೆ ಮಾತ್ರ ಧ್ವನಿ ಯೋಜನೆಗಳನ್ನ ಪ್ರಾರಂಭಿಸಲು ಟೆಲಿಕಾಂ ಕಂಪನಿಗಳಿಗೆ TRAI ಆದೇಶಿಸಿದೆ. ಪ್ರಸ್ತುತ, ಬಳಕೆದಾರರು ಕರೆ ಮಾಡಲು ಅಥವಾ ಸಂದೇಶಗಳನ್ನ ಕಳುಹಿಸಲು ದುಬಾರಿ ಡೇಟಾ ಯೋಜನೆಗಳನ್ನ ಖರೀದಿಸಬೇಕಾಗಿದೆ
ನಿಯಮ ಯಾವಾಗ ಜಾರಿಗೆ ಬರಲಿದೆ.?
ಇತ್ತೀಚಿನ ವರದಿಗಳ ಪ್ರಕಾರ, TRAIನ ಈ ಮಾರ್ಗಸೂಚಿಯನ್ನ ಜಾರಿಗೆ ತರಲಾಗಿದೆ. ಹೊಸ ರೀಚಾರ್ಜ್ ಯೋಜನೆಗಳನ್ನ ಪ್ರಾರಂಭಿಸಲು ಟೆಲಿಕಾಂ ಕಂಪನಿಗಳಿಗೆ ಕೆಲವು ವಾರಗಳ ಕಾಲಾವಕಾಶ ನೀಡಲಾಗಿದೆ. ಹೀಗಾಗಿ, ಈ ನಿಯಮದ ಅಡಿಯಲ್ಲಿ, ಜನವರಿ ಅಂತ್ಯದಲ್ಲಿ ಅಗ್ಗದ ರೀಚಾರ್ಜ್ ಯೋಜನೆಗಳನ್ನು ಪ್ರಾರಂಭಿಸಬಹುದು ಎಂದು ನಿರೀಕ್ಷಿಸಲಾಗಿತ್ತು. ಆದಾಗ್ಯೂ, ಟೆಲಿಕಾಂ ನಿಯಂತ್ರಕದಿಂದ ಇನ್ನೂ ಯಾವುದೇ ದಿನಾಂಕವನ್ನು ನಿಗದಿಪಡಿಸಲಾಗಿಲ್ಲ.
