ಪುತ್ತೂರು: ಹೊಸ ಅಡಿಕೆ, ರಬ್ಬರ್‌, ಕಾಳುಮೆಣಸು ಧಾರಣೆ ಮತ್ತೆ ಏರಿಕೆ ಕಂಡಿದೆ. ಚಾಲಿ ಅಡಿಕೆ ಮಾರುಕಟ್ಟೆಯಲ್ಲಿ ಹೊಸ ಅಡಿಕೆ ಧಾರಣೆ 400 ರೂ. ದಾಟಿದೆ. ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಮಾ. 11ರಂದು ಹೊಸ ಅಡಿಕೆ ಧಾರಣೆ ಕೆ.ಜಿ.ಗೆ 400 ರೂ. ಇದ್ದರೆ, ಹೊರ ಮಾರುಕಟ್ಟೆಯಲ್ಲಿ 405 ರೂ.
ಇತ್ತು. ಸಿಂಗಲ್‌ ಚೋಲ್‌ 455 ರೂ., ಡಬ್ಬಲ್‌ ಚೋಲ್‌ 495 ರೂ. ಧಾರಣೆ ಇದ್ದು, ಏರಿಕೆ ಕಂಡಿಲ್ಲ.
ರಬ್ಬರ್‌, ಕಾಳುಮೆಣಸು ಧಾರಣೆಯೂ ಏರುಮುಖ
ಮಾ. 11ರಂದು ರಬ್ಬರ್‌ ಗ್ರೇಡ್‌ಗೆ 190.50 ರೂ., ರಬ್ಬರ್‌ ಸ್ಕ್ರಾಪ್‌ 126 ರೂ. ದಾಖಲಿಸಿ ಏರಿಕೆ ಕಂಡಿದೆ. ಮಾ. 8ರಂದು ರಬ್ಬರ್‌ ಗ್ರೇಡ್‌ಗೆ 190 ರೂ., ರಬ್ಬರ್‌ ಸ್ಕ್ರಾಪ್‌ 125 ರೂ.ಗಳಷ್ಟಿತ್ತು. ಕಾಳುಮೆಣಸು ಧಾರಣೆ 660 ರೂ. ದಾಖಲಾಗಿದ್ದು, ಹೊರ ಮಾರುಕಟ್ಟೆಯಲ್ಲಿ 670 ರೂ. ತನಕ ಇತ್ತು.
